Liverpul, 5 maj 2025 (MIA) – Mbrojtësi i Liverpulit, Trent Aleksander-Arnold ka paralajmëruar se do të largohet nga klubi në fund të sezonit 2024/25.

Kontrata e 26-vjeçarit anglez me Liverpulin skadon më 30 qershor 2025.

"Ky është vendimi më i vështirë që kam marrë ndonjëherë. Liverpuli është klubi i jetës sime, bota ime për 20 vjet. Dashuria dhe mbështetja që kam ndjerë që nga shkolla e futbollit të klubit do të mbetet me mua përgjithmonë. Do të të jem përgjithmonë borxhli", tha mbrojtësi në një video të postuar në rrjetet sociale.

Aleksander-Arnold është kuadër i sistemit të të rinjve të "Mersisajders" dhe është në sistemin e klubit që nga viti 2004. Për Liverpulin ai ka luajtur 352 ndeshje, duke shënuar 23 gola dhe 92 asiste. Si pjesë e klubit, mbrojtësi u bë dy herë kampion i Anglisë, fitues i Ligës së kampionëve, fitues i FA Kupës dhe Super kupës së Anglisë, dy herë Kupën e ligës si dhe fitoi Kupën e botës për klube.

Më parë, gazetari Dejvid Ornshtajn deklaroi se futbollisti këtë javë do të nënshkruajë kontratë me Real Madridin.

Foto: EPA