Shkup, 22 nëntor 2023 (MIA) - Qeveria e Republikës së Maqedonisë sot do të organizojë Akademi solemne me rastin e 115 vjetorit të Kongresit të Manastirit dhe Ditëve të Alfabetit Shqip.

"Akademia solemne do të mbahet sot me fillim nga ora 14:00, në sallën e Filarmonisë, njoftojnë nga zyra e nënkryetarit të parë të Qeverisë, Artan Grubi.

Gjithashtu, në Kuvendin e Republikës së Maqedonisë së Veriut sot në mesditë do të ndahet edhe çmimi shtetëror "22 Nëntori", i cili ndahet në shenjë mirënjohjeje për personat nga jeta politike, kulturore dhe shoqërore e Republikës së Maqedonisë së Veriut, të cilët kanë kontribuar për përmirësimin e bashkëjetesës ndërnjerëzore dhe mirëkuptimit të ndërsjellë ndërmjet pjesëtarëve të komuniteteve, kulturave dhe religjioneve të ndryshme në Republikën e Maqedonisë së Veriut.

Fitues të çmimit të sivjetëm "22 Nëntori" janë studiuesi dhe shkrimtari Agim Vinca dhe shkrimtari Amet Selmani. sa/

Foto: Arkivi i MIA-s