Shkup, 22 qershor 2023 (MIA) - Ambasadorja amerikane Anxhela Ageler sot me mesazh se anëtarësimi i Maqedonisë së Veriut në BE, ndër të tjera, do ta ndihmojë vendin që të përballet më mirë me sfidat e brendshme, njëra prej të cilave është korrupsioni. Në fjalimin e saj në konferencën “Marrëdhëniet ndërmjet SHBA-së dhe Maqedonisë së Veriut në një epokë të trazirave gjeopolitike” organizuar nga Qendra Presidenciale për Edukim Politik, tha se një anketë e kryer së fundi ka treguar se korrupsioni është një nga arsyet kryesore të emigrimit të të rinjve nga vendi. Ajo u tha liderëve në vend se duhet të gjejnë një rrugë dhe ta drejtojnë vendin në drejtimin e duhur dhe i dërgoi mesazh qeverisë dhe opozitës që të lënë mënjanë politikën për çështje thelbësore dhe të mendojnë për të mirën e qytetarët.

Ajo theksoi se turbulencat që kanë ndodhur në botë në periudhën e kaluar treguan se izolimi nuk mund të jetë rruga përpara dhe theksoi përfitimet që do të ketë Maqedonia e Veriut nga anëtarësimi në BE, duke theksuar se gjuha, kultura dhe identiteti maqedonas do të ruhen. 

"Të bëhesh pjesë e një aleance të tillë ndihmon edhe në dhënien fund të korrupsionit dhe në përfundimin e krizës gjyqësore, në zbatimin e reformave dhe përmbushjen e standardeve", shtoi Ageler.

Ajo apeloi që anëtarësimi në BE të shihet nga i njëjti prizëm, përmes të cilit shikohet anëtarësimi në NATO.

" BE-ja është e radhës, ju ftoj ta shikoni anëtarësimin në BE me të njëjtin prizëm si anëtarësimi në NATO. Kur sfidat e brendshme mbizotërojnë vazhdimisht titujt e lajmeve, mund të jetë e lehtë të humbasësh pamjen më të madhe dhe për këtë vend kjo do të thotë të jesh pjesë e bllokut ndoshta më të madh ekonomik në botë", tha ambasadorja amerikane. 

Në fjalën e saj ajo iu referua marrëdhënieve SHBA-Maqedoni e Veriut, duke theksuar se partneriteti mes tyre është aq i fortë sa mund të kapërcejë çdo stuhi.

"Për SHBA-në, Maqedonia e Veriut ka qenë gjithmonë një bastion i stabilitetit, këtu në Ballkan, dhe siç themi ne në SHBA, nuk është madhësia e qenit në luftë, por madhësia e dëshirës së qenit për të luftuar. Në vetëm tre vjet si anëtare e NATO-s, Maqedonia e Veriut ka treguar forcën dhe vlerën e saj si një partner global i sigurisë. Në vetëm tre vjet, vendi juaj ka dalë dhe ka qëndruar fort në anën e duhur të historisë, fillimisht me krizën në Afganistan dhe tani me pushtimin e paprovokuar, të pamëshirshëm dhe brutal të Ukrainës nga Rusia. Mos e nënvlerësoni rëndësinë e asaj që ka bërë vendi juaj dhe mos e nënvlerësoni rëndësinë e asaj që do të thotë të jesh pjesë e një Aleance si NATO-ja", tha Ageler.

Ajo përsëriti atë që tha senatori Kris Marfi gjatë vizitës së tij në vend, se Maqedonia e Veriut është pa mëdyshje më e sigurt, sepse ka garanci sigurie nga SHBA dhe partnerë të tjerë ndërkombëtarë dhe sepse është anëtare e NATO-s.

Ambasadorja amerikane bëri një retrospektivë të shkurtër të gjithçkaje që është arritur në vend që nga marrja e pavarësisë në 33 vitet e fundit. ls/

Ju të gjithë si shtet keni shumë gjëra për të cilat duhet të krenoheni, për një moment bëhuni të vetëdijshëm për gjithçka që keni arritur që nga pavarësia më 8 shtator 1991, 33 vjet më parë. Është një periudhë e shkurtër në aspektin historik, por në atë kohë keni arritur të vendosni demokracinë, lirinë dhe barazinë për të gjithë qytetarët, edhe luftën civile në vitin 2001 e kaluat me Marrëveshjen Kornizë të Ohrit, e cila edhe sot e kësaj dite shërben si model për kohezionin  ndëretnik në Ballkan dhe më gjerë. Ju keni bërë një sakrificë të madhe për anëtarësimin në NATO, aleancën më të fuqishme të sigurisë në botë, dhe po ecni përpara në një moment tjetër vendimtar të historisë suaj, anëtarësimin në BE. E pranoj se këto janë kohë shumë të vështira, e pranoj që qytetarët e këtij vendi kanë bërë sakrifica dhe kompromise, por ju keni një histori të jashtëzakonshme të arritjeve në një periudhë kaq të shkurtër kohore, pak më shumë se tre dekada. Ju duhet të jeni krenarë për vendin tuaj ku ndodhet sot dhe për statusin tuaj në bashkësinë ndërkombëtare", theksoi ambasadorja amerikane Ageler. ls/

Foto: MIA