Киев, 21 март 2025 (МИА) - Чешкиот претседател Петр Павел пристигна утринава во украинскиот главен град Киев, откако вчера го посети југозападниот пристанишен град Одеса, објави Укринформ.

Се очекува тој да се сретне со украинскиот претседател Володимир Зеленски, а веројатно и со премиерот Денис Шмигал.

Чешкиот претседател синоќа беше во Одеса за време на руски напад со дронови. Во нападот се повредени три лица.

Павел разговараше во Одеса со високи претставници на украинските власти за обновата на земјата по завршувањето на војната и можниот придонес на Чешка.

Тој на мрежата „Икс“ напиша дека поконкретно разговарал со официјални претставници на регионите Одеса, Николаев и Херсон за директната поддршка на неговата земја за овие региони, кои се наоѓаат на линијата на фронтот. рп/

Фото: ЕПА