Белград, 15 март 2025 (МИА) - Крај на денешниот протест  прогласија судентите во блокада во Белград откако обезбедувањето ниво пред српското Собрание, ги отстрани маркерите, а на насобраните во близина им нареди да се повлечат, јави МИА од Белград. Околу 19 часот се случи инцидент кога група луѓе фрлија пиротехнички средства во правец на кампот на Пионирски парк.
Студентите и претходно најавија дека протестот се прогласува за завршен ако има инциденти или повредени кои не биле предизвикани од студентите.

Во просторот пред Собранието на Србија повеќе нема од обезбедувањето на студентите, но  различни групи луѓе сега шетаат и се собираат пред самата зграда.

Министерството за внатрешни работи на Србија соопшти дека на повеќе локации во центарот на Белград имало инциденти и тепачки меѓу дел од учесниците на денешниот протест, кои повеќепати ги напаѓале полицајците.

Припадниците на Министерството за внатрешни работи ги преземаат сите мерки и дејствија од нивна надлежност за спречување на понатамошна ескалација на овие инциденти, зачувување на јавниот ред и мир, заштита на граѓаните и одржување на безбедноста, се вели во соопштението.

Звукот што го прекина петнаесетминутниот молк на денешниот студентски протест и предизвика паника кај насобраните е звучно оружје или „звучен топ“ во сопственост на безбедносниот систем на Србија, изјави за Н1 Александар Радиќ, воен аналитичар.

„Најголемиот проблем на вечерашниот настан е - на кого му текнало да употреби вакво оружје? Во ситуација кога сите демонстранти беа мирни, кога се пренесуваше петнаесетминутната порака до жртвите, беше употребено оружје. Единствената цел на овој чин е брутално прикажување на сила, доказ за ароганција, а мотивот е омраза кон сопствениот народ“, изјави Радиќ за порталот Н1.
И во моментот пред Собранието на Србија се регистрирани „топовски удари“, јавија белградските медиуми.

Српскиот претседател се очекува вечерва во 22 часот да се обрати на нацијата. зш/
фото МИА