8 ноември 2024 

Струга - Почина Тахир Хани поранешен функционер на Демократската унија за интеграција.

Роден е на 15 декември 1961 година во Струга. Извршувал важни државни функции, меѓу кои пратеник, министер, заменик министер...

Веста за смртта на Хани ја објави неговата матична партија, ДУИ на официјалниот фејсбук профил.

- Со длабока тага ве известуваме дека по кратко боледување почина нашиот пријател Тахир Хани, стои во информацијата.

Сочуство до семејството упати струшкиот градоначалник Рамиз Мерко изразувајќи жалење за загубата на својот колега и пријател.

Погребот е најавен за денеска во 15 часот на гробиштата во струшкото село Велешта.

Скопје - Шестиот по ред Пчеларски саем на Македонија, ќе се отвори денеска на плоштадот Македонија, а ќе трае до недела. Организатор на саемот е Пчеларска Федерација на Македонија, главен покровител е Министерството за земјоделство, шумарство и водостопанство, а домаќин е Градот Скопје.

Пчелари од целата држава на саемот ќе им понудат на посетителите мед, пчелните производи, како и пчеларска опрема.

Од ПФМ ги повикуваат граѓаните да дојдат на плоштадот Македонија и да дегустираат природен, вистински мед, за да препознаат лажен, фалсификуваниот производ.

Скопје - Без електрична енергија денеска од 08.30 д0 14 часот ќе бидат корисниците на село Дељадровци во Оштина Илиден, соопшти РЦУК по добиено известување од ЕВН Македонија.

Без струја од 09:30 до 13:30 часот ќе бидат и корисниците од село Горно Оризари, Фарма „Глуво“ село Голиево, Пречистителна Станица Бразда, Стопански Објект на „Гранит“, „Златомир“, „Данчо Ацков“ (општина Шуто Оризари).

РЦУК по добиено известување од ЈП „Водовод и канализација“ соопштува дека поради изведување на водоводен приклучок Ф 200“ на улица Иван Козаров бр.49, без вода ке останат корисниците од улиците Иван Козаров, Божидар Аџија, Марко Цепенков, Доситеј Обрадовиќ, Киро Крстевски, дел од улица Вера Јоциќ и дел од улица Георги Димитров од 09:00 часот до завршување (Општина Кисела Вода).

Натаму, поради дефект на приклучна цевка Ф1 на улица 11 Октомври бр.бб (пред ресторан Ив), без вода ке останат корисниците на дел од улицата „11 Октомври“ (потегот од „Билна Аптека“ до Рампа), од 09:00 часот до санирање на дефектот (Општина Центар).

Скопје - ЈП „Водовод и Kанализација“-Скопје известува дека денеска, од 10:55 часот, без вода ќе бидат корисниците од улицата „Злетовска“ во Шуто Оризари.

Водоснабдувањето е прекинато поради уличен дефект ф 80 мм на ул.„Брсјачка Буна“ раскрсница со „Злетовска“