Лондон, 25 март 2025 (МИА) - Лондонската полиција соопшти дека пожарот во електрична подстаница, поради кој минатата недела аеродромот „Хитроу“ беше затворен 18 часа, повеќе не се смета за потенцијален криминален чин, бидејќи истрагата не пронашла докази што би сугерирале дека инцидентот е сомнителен.

Најпрометниот аеродром во Европа беше затворен во петокот наутро, откако пожар во блиската електрична подстаница го прекина снабдувањето со струја. Ова резултираше со блокада на над 200.000 патници, загуби во милионски износи за авиокомпаниите и дебата за отпорноста на британската инфраструктура.

Првично, полицијата истрагата ја водеше преку антитерористичката единица поради стратешкото значење на инцидентот. Сепак, денеска властите соопштија дека повеќе не го третираат пожарот како кривично дело, наведувајќи дека досегашната истрага не утврдила знаци на намерна саботажа.ссм/

фото: ЕПА архива