Вашингтон, 28 февруари 2025 (МИА) - Во своите први коментари по средбата со Доналд Трамп, украинскиот претседател Володимир Зеленски му се заблагодари на својот американски колега Доналд Трамп и на Американците, неколку пати.

-Благодарам Америка, благодарам за вашата поддршка, благодарам на оваа посета. Благодарам на претседателот на САД, Конгресот и американскиот народ, напиша украинскиот претседател Володимир Зеленски на „Х“ откако ја напушти Белата куќа по расправијата со американскиот претседател Доналд Трамп.

-На Украина и треба праведен и траен мир и ние работиме на тоа во моментов, рече Зеленски.

Трамп претходно му кажа на Зеленски дека треба да биде „благодарен“ за американската поддршка, додека потпретседателот Џеј-Ди Венс го обвини дека не му се заблагодарил за време на состанокот.

Заедничката прес-конференција на која требаше да биде потпишан договорот за минерали меѓу САД и Украина беше откажана, а Зеленски предвреме ја напушти Белата куќа. Трамп потоа на социјалната мрежа „Truth social“ напиша дека „Зеленски може да се врати кога ќе биде подготвен за мир“. мс/

фото: МИА архива/Х