Велес, 9 март 2026 (МИА) - Целосно ќе се реконструира влезот во велешкото село Караслари за што веќе е избрана фирмата изведувач и градежните зафати ќе започнат наскоро, информира попладнево градоначалникот Марко Колев. 

Инаку овој проект е еден од петнаесетте за Општина Велес, а за кои се обезбедени финансиски средства преку Владата, во соработка со Министерството за транспорт.

 - Со овој проект ќе се реши уште еден долгогодишен проблем и значително ќе се придонесе за развој на ова село. Рамномерниот развој на Општината е приоритет во работењето, потенцира Колев. ад/ев/

ФОТО: Општина Велес