Londër, 20 tetor 2025 (MIA) - Presidenti ukrainas, Volodimir Zelenski të premten do të marrë pjesë në takimin e  "Koalicionit të të përgatiturve" në Londër, njoftuan mediat britanike, duke iu referuar një burimi të paidentifikuar dhe të mirëinformuar.

Në një publikim në platformën X, Zelenski deklaroi se këtë javë do të ketë "“një numër të madh takimesh dhe negociatash në Evropë”.

Portali i Brukselit Politiko më parë publikoi se Zelenski mund të marrë pjesë në një takim të nivelit të lartë me aleatët evropianë në Bruksel këtë javë pas dështimit të negociatave me presidentin amerikan, Donald Tramp, ndërsa takimi në Bruksel me shumë gjasa mund të zhvillohet të enjten, gjatë samitit të BE-së.

Siç publikoi më parë Si-En-En, gjatë një bisede “të drejtpërdrejtë dhe të sinqertë” në Shtëpinë e Bardhë, Tramp ia bëri të qartë Zelenskit se nuk do të merrte raketa me rreze të gjatë veprimi.

Duke cituar burime të paidentifikuara, portali amerikan Aksios publikoi se Trampi ka deklaruar se SHBA-ja nuk ka ndërmend të dërgojë raketa "Tomahavk" në Ukrainë, "të paktën jo në këtë moment". ls/ 

Foto: Arkivi i MIA-s