Shkup, 20 gusht 2025 (MIA) - Zëvendëskryeministri Aleksandar Nikollovski me ftesë të kryeministrit të Hungarisë, Viktor Orban, po merr pjesë në Ditën nacionale që festohet për nder të Shën Stefanit - themeluesit të shtetit hungarez dhe krishterimit në Hungari, informuan sot pasdite nga Ministria e Transportit.

"Krahas pjesëmarrjes në festën nacionale, janë paraparë disa takime me përfaqësues të lartë të qeverisë së Hungarisë, disa ministra dhe investues potencial. Në takime është paraparë të bisedohet për dinamikën e projekteve në Maqedoni si dhe për bashkëpunimin e ardhshëm të përforcuar ekonomik mes dy shteteve", theksojnë nga Ministria.

Në kumtesë shtohet se vizita e zëvendëskryeministrit është edhe një konfirmim i miqësisë dhe bashkëpunimit të shkëlqyeshëm mes shtetit tonë dhe Hungarisë. ab/

Foto: faqja në Fejsbuk e zëvendëskryeministrit Aleksandar Nikollovski