Shkup, 25 korrik 2025 (MIA) - Zëvendëskryeministri përgjegjës për politikat e qeverisjes së mirë, Arben Fetai, sot vizitoi burgun e Kumanovës, ku u prit në takim nga drejtori i Drejtorisë për zbatimin e sanksioneve, Aleksandar Pandov me kabinetin e tij, si dhe drejtorin e burgut të Kumanovës, Oliver Cvetkovski dhe zëvendësdrejtorin Ylber Limani.

Ai, siç thuhet në kumtesën e Kabinetit të tij, vlerësoi burgun e Kumanovës si shembull i menaxhimit të mirë nën udhëheqësinë e re.

Zëvendëskryeministri Fetai dëgjoi sfidat e këtij institucioni, i cili ishte lënë të përballet me mungesën e ujit të pijshëm, gjë për të cilën do të përpiqet të gjejë zgjidhje sa më shpejtë që është e mundur.

U diskutua gjithashtu mundësia për përforcimin e përkrahjes shëndetësore për të burgosurit, veçanërisht për sa i përket shëndetit mendor, në bashkëpunim me Ministrinë e Shëndetësisë.

"Sistemi petinenciar është një ndër shtyllat e shtetit të së drejtës dhe ne jemi të përkushtuar që ta përmirësojmë dhe zhvillojmë atë sipas standardeve evropiane", thuhet në kumtesë. qa/

Foto: Kabineti i Arben Fetait