Shkup, 21 nëntor 2025

Dy eksponentët e lartë të VLEN, Afrim Gashi dhe Izet Mexhiti në një atmosferë të ngrohtë sot kanë realizuar takim në hapësirat e komunës së Çairit.

Kryeparlamentari Gashi me këtë rast ia ka uruar marrjen e detyrës së re, kreut të Çairit, Mexhiti.

Në takim është biseduar për zhvillimet politike në vend, për proceset që na presin dhe mbi rëndësinë e koordinimit ndërinstitucional në periudhën që po hyjmë.

VLEN vlerëson se vizita e kryeparlamentarit Gashi është një sinjal i qartë i mbështetjes dhe i gatishmërisë për bashkëpunim të ndërsjellë, në të mirë të qytetarëve dhe të institucioneve.

Mexhiti e ka falënderuar për vlerësimin dhe për kohën e ndarë duke thënë se para nesh janë shumë punë dhe do të ecet me përgjegjësi, përkushtim dhe qartësi në vendimet që merren.

VLEN shpreh bindjen e thellë se nën drejtimin e Mexhitit, Çairi do të bëhet shembull i punës së përkushtuar, respektit institucional dhe bashkëpunimit të ndershëm midis pushtetit lokal dhe qytetarit.

Çairi po hy në epokën e transparencës dhe zhvillimit të qëndrueshëm.

VLEN

____________________________________________________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit. 

Foto: VLEN