Shkup, 2 shtator 2024 (MIA) - Kryeministri Hristijan Mickoski dhe ministrja e Arsimit dhe Shkencës Vesna Janevska së bashku me kryetarin e komunës Boban Stefkovski në ditën e parë të vitit të ri shkollor sot e vizituan Shkollën fillore "Stiv Naumov" në Komunën e Gazi Babës, duke u uruar vit të suksesshëm shkollor nxënësve të klasës së parë. 

"Për kënaqësinë time të madhe, kjo energji që ndjej sot është e mrekullueshme, fëmijët janë të etur për shkencë dhe arsim, kanë filluar të ecin në rrugën e tyre arsimore. Prindër të emocionuar, me një emocion shumë të këndshëm pozitiv. Mesazhi ynë sot është që ata të kenë një mësim të parë të suksesshëm dhe ajo që duhet të dinë është se në jetë asgjë nuk vjen menjëherë dhe asgjë nuk vjen lehtë. Për gjithçka duhet shumë mund, shumë sakrificë për të arritur objektivin që duam të arrijmë. Nga unë mund t'i uroj shumë ditë të bukura shkolle, shumë miq të rinj dhe gjithçka që duan në jetë t'u plotësohet dhe të punojnë për ta përmbushur atë, sepse ky është kuptimi dhe bukuria e jetës", tha kryeministri Mickoski. 

Ai theksoi se me ministren e Arsimit, me kryetarin e komunës, me drejtoreshën e kësaj shkolle, por edhe me të gjithë drejtorët e gjithë vendit ka biseduar sa i përket sigurimit të librave, duke vlerësuar se për dallim nga vitet e kaluara, këtë vit nuk ka pasur problem me librat, sepse janë sigurua që në fillim të vitit shkollor. 

Viti i ri shkollor 2024/25 fillon sot për 245 mijë nxënës të shkollave fillore dhe të mesme. Sipas të dhënave të MASH-it, numri i nxënësve është ulur për 17 mijë në shtatë vitet e fundit. Në të njëjtën periudhë numri i nxënësve të klasës së parë është ulur për rreth 3.500 mijë.

Për herë të parë pas shtatë vitesh, viti shkollor nis me dorëzimin në kohë të teksteve shkollore në të gjitha shkollat ​​fillore në vend. Në ditën e parë të shkollës nxënësit do të marrin tekstet e tyre. Sipas ministrisë përkatëse, janë siguruar rreth 10 tituj të rinj në arsimin fillor dhe mbi 100 në arsimin e mesëm, të cilët nuk janë shtypur më parë. qa/

Foto: MIA