Shkup, 4 dhjetor 2023 (MIA) - Një “viktimë kolaterale” në moshën 74 vjeçare dhe pesë të dyshuar për “rrëmbim” dhe “vrasje” janë detajet fillestare të hetimeve paraprake të MPB-së dhe Prokurorisë Themelore Publike Shkup në lidhje me zhdukjen e 14- vjeçare Vanja Gjorçevska, e cila dje është gjetur e vdekur në rrethinën e Shkupit.

Ministri i Punëve të Brendshme, Oliver Spasovski dhe kryeprokurori publik i Prokurorisë Publike të Shkupit, Gavril Bubevski, në konferencën e sotme për shtyp në PTHP Shkup, kumtuan disa nga detajet e hetimeve paraprake të deritanishme lidhur me zhdukjen e Vanjës, për të cilën u raportua më 27 nëntor të këtij viti. 

Sipas njohurive të tyre, të marra nga deklaratat e tre të dyshuarve që aktualisht ndodhen në paraburgim, dy vrasjet i lidh një autor të cilin e kanë ndihmuar në kryerjen e krimit. Në paraburgim 48 orësh për veprën penale deri në sigurimin e provave shtesë janë edhe Velibor Manev, Vlatko Keshishov dhe Bore Videvsi, të cilët janë pjesë e partisë E djathta të të dyshuarit të parë, Lupço Palevski -Palço, i cili është në arrati dhe jashtë shtetit. Sipas deklaratave të autoriteteve, i dyshuari i parë informacionet për lëvizjet e Vanjës ditën kur u rrëmbye nga hyrja e ndërtesës ku banonte, i ka marrë nga babai i saj.

Motivi i vrasjeve, siç theksuan ata, është përfitim financiar, i cili sipas tyre përfundon me likuidimin e të miturës Vanja për shkak të panikut.

Njohuritë fillestare të policisë dhe prokurorisë janë se grupi ka dashur të zhvasë para nga nëna e Vanjës, por nuk ka arritur deri aty. Situata, siç ka treguar prokurori Bubevski, ka dalë jashtë kontrollit kur nëna ka raportuar për zhdukjen e vajzës së saj dhe menjëherë pas kësaj i gjithë opinioni është ngritur në këmbë për zhdukjen e saj. Spasovski ka sqaruar se ditën kur ka ndodhur rrëmbimi ka pasur kishte dy denoncime, e para ishte nga nëna në orën 08:30 ndërsa në orën 11:00 nga babai. Pas denoncimit të parë menjëherë janë ndërmarrë aktivitete, ndërsa në Veles policia ndërmerr aktivitete për rastin me zhdukjen e 74 vjeçarit Pançe Zhezhoski.

"Kemi deklarata për daljen jashtë kontrollit të personave që e pranojnë këtë veprim si në polici ashtu edhe në prokurori. Indikacionet e tyre janë se duke qenë se tashmë kishin një lloj paniku për faktin se opinioni tashmë në atë moment ishte plotësisht i angazhuar në kërkimin e fëmijës dhe njëri prej tyre vendosi në atë moment që paratë ti kërkojnë më vonë, pasi të kalojë e gjithë situata dhe për këtë ai vendosi në atë moment ta likuidonte atë fëmijë", sqaroi prokurori.

Përveç këtyre katër të dyshuarve, në këtë rast është i dyshuar edhe babai i Vanjës, për të cilin tre të dyshuarit kanë thënë se ai ia ka dhënë informacionet të dyshuarit të parë lidhur me lëvizjet e vajzës së tij.

"Sipas informacioneve të ministrit Spasovski, Vanja u rrëmbye në hyrjen e ndërtesës dhe me duar e këmbë të lidhura dhe në thes për gjumë është vendosur në bagazhin e automjetit "citroen" i cili i përkiste të zhdukurit nga Velesi, Pançe Zhezovskit, trupin e të cilit MPB-ja gjithashtu e gjeti dje pas rrëfimeve dhe udhëzimeve të marra nga tre të dyshuarit që ndodhen në paraburgim, për atë se ku është varrosur.

Sipas prokurorit Gavril Bubevski, personi nga Velesi është vetëm një “viktimë kolaterale” i cili është përdorur për të marrë automjetin e tij dhe për të përfunduar, siç tha ai, "e gjithë sipërmarrja kriminale".

"Motivi i vrasjes së Pançes ishte marrëdhënia debitore-kreditore me njërin nga të dyshuarit. Pançe i kishte borxh 500 euro njërit prej të dyshuarve dhe kështu u zgjodh si viktimë për të marrë automjetin për të kryer grabitjen. Kjo është ajo që kemi si vijë se përse është bërë fillimisht rrëmbimi dhe vrasja e Pançes, për të përfunduar gjithë sipërmarrjen kriminale këtu", tha Bubevski.

Ministri Spasovski informoi se nga hetimet paraprake kanë konstatuar se “citroeni” ka lëvizuar në Shkup më 27 nëntor, së bashku me veturën “Reno kangu”, deri në vendin e krimit, ku është kryer vrasja e Vanjës në atarin e fshatit Brazda, komuna Çuçer Sandevë.].

Spasovski dhe Bubevski ishin koncizë se organizatori dhe autori i vrasjes, ose më mirë, siç tha prokurori, “ai që ka gjuajtur plumbat” është i dyshuari i parë, i cili është në arrati.

Siç informoi ministri i Punëve të Brendshme Spasovski, personi është larguar nga vendi me automjet së bashku me avokatin e tij në Beograd, e më pas në Bullgari. Ata treguan se ndaj tij do të ngrihet një urdhërarrest ndërkombëtar.

Në ndërkohë, Telma ka dalë me deklaratën e avokatit të të dyshuarit të parë, se avokati e ka çuar në Beograd, por me dijeninë se po e çon për ekzaminim.

"Më kërkoi që ta dërgoj në Beograd, sepse ai nuk kishte automjet dhe nuk mund të siguronte një noter që t'ia përkthej automjetin. Nuk dija asgjë për këtë çështje. E di që është dashur të shkojë në Beograd, ka thënë se ka caktuar ekzaminimet. Nëse është ashtu, i thashë: “Të dërgoj unë”, nuk i dija këto gjëra. Un u ktheva në Shkup, ai mbeti sepse duhej të bënte ekzaminim të nesërmen dhe më tha nëse gjithçka është në rregull do të kthehet. Nëse nuk është në rregull, tha se do të shkojë në Stamboll. Kur u ktheva, policia ishte në kërkim, më pyeti dhe pastaj u tregova", deklaroi Stojkov për Telma.

Spasovski premtoi se do të bëjë, siç tha, “gjithçka unë dhe institucioni, ky person ose më mirë ky përbindësh, gjurmët e të cilit po e ndjekim, sa më shpejt sapo të shkelë në tokën tonë, të dalë para drejtësisë”.

Bubevski: Autorët i pret dënimi më i rëndë

Bubevski theksoi se për shkak të lidhjes së njërës dhe të tjetrës vepër penale me autorët që janë të njëjtë edhe për veprën e parë edhe për veprën e dytë, merr kualifikimin më të rëndë të mundshëm nga Kodi Penal dhe dënohet, siç tha “dënimi më i rëndë që mund të shqiptohet në Republikën e Maqedonisë së Veriut”.

"Kur të dalin konstatimet nga autopsia, nga të gjitha ato gjurmë të marra biologjike, aktivitete që janë marrë dhe vërtetohen me ekspertizë përkatëse, në atë moment, ndoshta sot, apo nesër, MPB-ja do të dalë me një kallëzim penal përkatës me të gjitha këto fakte, me të gjitha këto prova dhe më pas PP do të hapë një hetim, që është një procedurë formale për të cilën mund të themi më shumë detaje sipas Kodit Penal", tha prokurori.

Ai ka sqaruar se motivi përfitim financiar gjatë rrëmbimit, e më pas, siç tha “vrasja e pastër” e cila dënohet më rëndë.

“Veprimet totale cilësohen si një vepër penale vrasje nga paragrafi i fundit i kodit penal dhe më e rënda, nuk ka më dilema se çfarë mund të pritet për autorët e kësaj ngjarjeje të rëndë”, tha prokurori.

Paragrafi i fundit për veprën vrasje nga Kodi Penal thotë se “me burgim prej të paktën dhjetë vjet ose me burgim të përjetshëm do të dënohet kushdo që vret me dashje dy ose më shumë persona, për të cilët nuk është gjykuar më parë,përveç nëse nuk bëhet fjalë për vepra penale nga neni 9 paragrafi (3), neni 10 paragrafi (3) dhe nenet 124, 125 dhe 127”.

Lidhur me pyetjen nëse ka qenë një grup që ka vepruar në mënyrë të organizuar, ai ka treguar se ende janë duke i përcaktuar lidhjet e tyre.

 

Lidhur me përfshirjen e babait, ai theksoi se për momentin vetëm provat rrethanore tregojnë se ai ka marrë pjesë në çdo drejtim kur vajza do të dilte e vetme, kur mund të prisnin që të kryher kjo vepër penale e rrëmbimit.

"Nuk mund të akuzojmë se babai është pjesë e grupit që më pas kreu veprën  më të rëndë penale, sepse nuk kemi një dijeni të tillë për të. Ne kemi njohuri të caktuara që na tregojnë se babai ka pasur njëfarë komunikimi me personin, por ende kemi arsye për dyshim. Unë do ta mbaj akoma atë strukturë të prezumimit të pafajësisë për të mos krijuar një problem tjetër më tej, me personin që nuk është këtu tani, se dy nga tre të dyshuarit, kur e pyetën atë person, thanë se ai e kishte këtë njohuri nga babai i vajzës", tha ai.

Bubevski shtoi se do të sigurojnë masa për praninë e babait, i cili i ka mohuar veprimet.

"Babai i mohon këto veprime. Përfshirja e tij, të cilën ne e konsiderojmë ende ndërmjetësuese në këtë rast, në këtë rast e nxjerrim jashtë kontekstit të asaj që thonë të tjerët të përfshirë në këtë rast. Sa i përket kësaj nëse do të kërkohet paraburgim, po, sepse ky është fillestar, kemi arsye të dyshojmë për përfshirjen e tij, do të kërkohet përgjegjësi", tha ai.

Ajo që e bën të besueshme këtë histori, sipas Bubevskit, është se deklaratat korrespondojnë me atë që është gjetur, ndërsa në pjesën e mënyrës se si është realizuar, tha se duhet sqaruar më tej. Ai po ashtu ka theksuar se arma nuk është gjetur.

Në pyetjen e MIA-s drejtuar PTHP-së Shkup se cila është gjurma e parë që e çon hetimin paraprak pikërisht  tek të dyshuarit konkretë, thonë se bëhet fjalë për një kombinim të gjurmëve për të cilat shtesë do të precizojë detaje. Sa i përket veprave penale që do t'u ngarkohen të dyshuarve, ato do t'i zbulojë urdhëri për hetim.

Në hetimin nuk është e përfshirë nëna, për të cilën prokurori publik tha se nuk kishte asnjë rol në siç tha "asnjë veprim që është me natyrë problematike".

Spasovski : Siguria publike nuk është rrezikuar

Në konferencën e sotme për shtyp ministri Spasovski duke iu përgjigjur pyetjeve nëse është rrezikuar siguria publike, potencoi se ky është një rast i izoluar, incident që ka pasur organizatorë dhe ka pasur qëllimin përfundimtar - zhvatjen e parave.

"Kjo nuk ka të bëjë fare me sigurinë publike, në përgjithësi. Nga faktet e vërtetuara, ky person është rrëmbyer brenda në hyrje të ndërtesës, pasi paraprakisht kanë marrë informacion se kur largohet dhe se po largohej vetëm. Është krejtësisht ndryshe nga ajo që nënkuptohet apo dëgjuam këto ditë se për shkak të Samitit të OSBE-së nuk u veprua fare kërkesa për vajzën dhe se për shkak të atij aktiviteti rreth organizimit të Samitit nuk e kemi bërë të ditur publikisht", tha ai. ls/