Shkup, 10 nëntor 2023 (MIA) - Universiteti "Shën Kirili e Metodi" - Shkup sot do ta shënojë Ditën Botërore të Shkencës për Paqe dhe Zhvillim - 10 Nëntori, e shpallur nga Kombet e Bashkuara.

Shkencëtarët më të mirë dhe artisti më i mirë nga fakultetet e Universitetit të Shkupit do të shpërblehen me çmime të cilat do t'i dorëzojë rektorja e UKIM-it, prof.dr. Biljana Angelova. Do të organizohet edhe debat me temë "Shkenca e USHCM-së në funksion të shoqërisë më të mirë".

"Në Ditën botërore të shkencës për paqe dhe zhvillim kujtojmë rolin e rëndësishëm që e ka shkenca në shoqërinë tonë dhe në jetën e përditshme. Pikërisht për shkak të kësaj, USHCM i cili synon të jetë një universitet me vlera evropiane, i dukshëm dhe i njohur në fushën ndërkombëtare të arsimit të lartë dhe kërkimit shkencor, çdo vit e shënon këtë ditë", njoftoi Universiteti i Shkupit. sa/

Foto: Arkivi i MIA-s