Trampi në tubim arrin me kamion të bërllokut: Kjo është në nder të Kamallës dhe Bajdenit
Uashington, 31 tetor 2024 (MIA) - Kandidati republikan për president Donald Tramp, pas deklaratës fyese të presidentit Xho Bajden për mbështetësit e tij të cilët ai i quajti "plehra", mbrëmë në një nga mitingjet e fundit para zgjedhjeve në Uiskonsin mbajti fjalim me një jelek ngjyrë portokalli siç mbajnë grumbulluesit e plehrave, ndërsa në ngjarje u paraqit me një kamion për mbeturina.
"A ju pëlqen kamioni im i bërllokut? Kjo është në nder të Kamalës dhe Xho Bajdenit", u tha Trampi gazetarëve.
Në tubim, ai më pas iu drejtua mbështetësve: "Më duhet të filloj duke thënë se 250 milionë amerikanë nuk janë plehra", tha ai, duke iu referuar një deklarate të Xho Bajdenit- ku siç u përpoq ta shpjegonte më vonë (Bajdeni), kinse ka qenë një gafë, mbështetësit e Trampit i quajti - "plehra".
TRUMP ARRIVES FOR CAMPAIGN RALLY IN A GARBAGE TRUCK!
— J Stewart (@triffic_stuff_) October 30, 2024
“How do you like my garbage truck? This truck is in honor of Kamala and Joe Biden.”
“For Joe Biden to make that statement — it’s really a disgrace” pic.twitter.com/jA9nEQKvCg
Bajdeni dy ditë më parë foli për një komedian në një nga tubimet e Trampit në Madison Skver Garden i cili Portorikon e quajti një "ishull lundrues të mbeturinave".
"Pra, më lejoni t'ju tregoj diçka. Portorikanët që i njoh janë njerëz të mirë, të denjë dhe të ndershëm”, tha Bajdeni në ngjarjen e cila u organizua për të inkurajuar më tej votuesit që të shkojnë në qendrat e votimit dhe të mbështesin Kamala Harisin.
"Të vetmit plehra që shoh që qarkullojnë janë mbështetësit e tij. Demonizimi i tij ndaj latinoamerikanëve është joamerikane", vazhdoi Bajdeni.
Damn!! Biden is truly out of fucks to give and I love it! 🤣
"The only garbage I see floating out there is his supporters.”
pic.twitter.com/hD5SCf1GWQ
— CALL TO ACTIVISM (@CalltoActivism) October 30, 2024
Shtëpia e Bardhë u përpoq shpejt ta minimizojë dëmin.
Zëdhënësi Endrju Bejts tha se Bajdeni mendonte në "retorikën e urrejtjes" në tubimin në Nju Jork, ndërsa jo mbështetësve të ish presidentit. Së shpejti dhe vetë Bajdeni u deklarua në rrjetet sociale.
"Më herët sot e quajta pleh retorikën urrejtëse për Portorikon e përhapur nga një mbështetës i Trampit në tubimin në Medison Skver Garden – që është e vetmja fjalë që mund të mendoj për ta përshkruar atë. Demonizimi i tij ndaj latinoamerikanëve është i pamatur. Kjo është gjithçka që doja të thoja. Komentet në atë tubim nuk pasqyrojnë kush jemi ne si komb", shkroi ai në X. rq/
Foto: skrinshot Si-En-En
