Shkup, 7 tetor 2024 (MIA) - Kryetari i Partisë Demokratike Shqiptare (PDSH), Menduh Thaçi, ka bërë të ditur sonte se ai dhe partia e tij nuk do të jenë më pjesë e koalicionit “Fronti Evropian”.

"Njëqind ditë janë pak për t'u analizuar puna e një qeverie. Arsyeja pse kam munguar në konferencën për media për njëqind ditët e qeverisë, organizuar nga 'Fronti Evropian' është se unë dhe PDSH nuk do të jemi më pjesë e Frontit", tha Thaçi sonte gjatë pjesëmarrjes në Televizionin Klan Maqedoni.

Grupi parlamentar i koalicionit “Fronti Evropian” funksionon në përbërje të plotë, theksoi sot madje koordinatori i grupit parlamentar Blerim Bexheti, duke u përgjigjur në pyetjen e gazetarëve mbi informacionet në media se kryetari dhe deputeti i PDSH-së, Menduh Thaçi, tërhiqet nga koalicioni.

Foto: arkivi i MIA-s