Athinë, 16 mars 2025 (MIA) - Bindje se Greqia do të ofrojë çdo ndihmë të nevojshme, ka shprehur presidenti i Greqisë, Konstatinos Tasulas në porosinë e tij të ngushëllimit për tragjedinë në Koçan drejtuar presidentes Gordana Siljanovska-Davkova, njofton korrespondentja e MIA-s nga Athina.

"Presidenti i shtetit, Konstantinos Tasulas në mesazhin e ngushëllimit drejtuar presidentes së Republikës së Maqedonisë së Veriut, Gordana Siljanovska-Davkova, shpreh ngushëllimet më të thella të popullit grek dhe personalisht të tij për viktimat e tragjedisë në qytetin e Koçanit. Z.Tasulas u uron shërim të shpejtë të lënduarve dhe siguron kolegen e tij se Greqia do të ofrojë çdo ndihmë të nevojshme", kumton Zyra e presidentit grek.

Ngushëllim dhe gatishmëri për ndihmë drejtuar vendit tonë, shprehu edhe kryeministri grek Kiriakos Micotakis dhe ministri për Punë të Jashtme të Greqisë, Jorgos Gerapetritis i cili pati një bisedë telefonike me ministrin e Jashtëm, Timço Mucunski.