Dibër, 19 shkurt 2023 (MIA) - Të punësuait  e Ndërmarrjes Publke Komunale të Dibrës "Standard" këto ditë maksimalisht janë angazhuar në pastrimin e qytetit.

"Falë kushteve të mira të motit, pas pastrimit të pastrimit të deponive të egra, filluam  me pastrimin e mbeturinave nga rrugët dhe trotuaret, ndërsa nga mbrëmja filluam me larjen e rrugëve. Jemi të angazhuar maksimalisht në realizimin e aktiviteteve të larjes së rrugëve në mënyrë që qyteti të jetë sa më i pastër", tha për MIA-n Burim Kaba, drejtor NPK "Standard". 

 Ai shton se aksioni për pastrimin e rrugëve në komunë do të shtrihet edhe në vendbanimet rurale.

 "Është praktikë e jona të cilën e zbatojmë për disa vite me radhë dhe po e vazhdojmë. Dhe me këtë rast dua t'u bëj  apel qytetarëve që të hedhin mbeturinat në vendin e caktuar për këtë. Kemi një natyrë të bukur dhe është për të ardhur keq që e ndotim", thotë Kaba.

Foto: MIA