Islamabad, 9 nëntor 2024 (MIA) - Të paktën 25 persona kanë humbur jetën dhe pothuajse 50 të tjerë janë plagosur në shpërthimin e sotëm të bombës në një stacion hekurudhor në Pakistan, njoftuan agjencitë botërore, duke iu referuar autoriteteve lokale, policisë lokale dhe mediave lokale.

Pritet numri i viktimave të rritet pasi në momentin e shpërthimit në stacion ndodheshin qindra persona.

 Sulmi ndodhi në një stacion hekurudhor në qytetin jugperëndimor të Kvetës, qendër administrative e provincës Beluxhistan, pikërisht në momentin kur treni ekspres po nisej për në Peshavar, kryeqytetin e Hajber-Pahtunhva.

 Sipas hetuesve, sulmi ishte ndoshta një sulm vetëvrasës, njoftoi DPA.

 Inspektori i Përgjithshëm i Policisë së Beluxhistanit, Vasim Baig, deklaroi se objektivi i sulmit ishin studentët dhe ushtarët e shkollës lokale të këmbësorisë që ndodheshin në stacion, raportuan mjekët britanikë. Sipas informacioneve të deritanishme, 14 nga viktimat janë persona ushtarakë.

 Përgjegjësinë për sulmin e ndërmori Ushtria Çlirimtare e Beluxhistanit, një grup etnik beluxhi që lufton për pavarësinë e provincës.

 Javën e kaluar, i njëjti grup vrau dy inxhinierë kinezë në Karaçi dhe 20 minatorë në dy sulme të veçanta, raportoi DPA.

 Foto: Skrinshot nga Al Xhezira