Damask, 29 prill 2025 (MIA) - Të paktën 13 persona humbën jetën në përleshjet që ndodhën mbrëmë dhe mëngjesin e sotëm në periferi të kryeqytetit sirian Damask, bënë të ditur ekipet lokale të shpëtimit.

Përleshjet kanë filluar gjatë natës kur persona të armatosur nga qyteti i afërt i Malihas dhe zona të tjera kryesisht sunite u mblodhën në qytetin kryesisht Xharamana, kryesisht të banuar me druze,  në juglindje të Damaskut, thonë burime të sigurisë.

 Sipas burimeve lokale, përleshjet u nxitën nga një video e supozuar e një burri druz që mallkon Profetin Muhamed, që i zemëroi personat e armatosur sunitë.

 Midis të vdekurve ishin dy anëtarë të Shërbimit të Sigurisë së Përgjithshme të Sirisë, një forcë e re sigurie e përbërë kryesisht nga ish-rebelë, tha zëdhënësi i Ministrisë së Brendshme, Mustafa al-Abdo.

 Luftimet janë vazhdim i dhunës në Siri, ku frika midis pakicave është rritur që kur rebelët e udhëhequr nga islamistët rrëzuan ish-udhëheqësin Bashar al-Asad në dhjetor, duke krijuar qeverinë dhe forcat e tyre të sigurisë.

 Foto: Arkivi i EPA-s