Islamabad, 8 shkurt 2024 (MIA) - Të paktën 12 persona, kryesisht personel sigurie, janë vrarë në sulme të shumta nga militantët që synonin të prishnin zgjedhjet kombëtare, njoftoi sot ushtria pakistaneze.

Sulmet ndodhën në të paktën 51 vende në rajonet e paqëndrueshme jugperëndimore dhe veriperëndimore të vendit që kufizohen me Afganistanin dhe Iranin.

Të paktën 10 anëtarë të forcave të sigurisë janë në mesin e të vrarëve, shtohet në kumtesën e ushtrisë. Rreth 39 persona u plagosën dhe pesë militantë u vranë.

Rreth 600,000 anëtarë të forcave të sigurisë, duke përfshirë 137,000 ushtarë, janë sistemuar për të siguruar votimin në republikën islamike të armatosur me armë bërthamore.

Qendrat e votimit janë mbyllur pasi mijëra njerëz sfiduan sulmet vdekjeprurëse në radhë për të votuar vetëm në transferimin e tretë të pushtetit ndërmjet qeverive civile në vendin e prirur për grusht shtet në dekada, raportoi DPA.

Partia e ish kryeministrit pakistanez Navaz Sharif fitoi të enjten kur nisi numërimi pas një dite kaotike votimi me akuza për manipulime nga opozita mes ndërprerjeve të internetit dhe dhunës vdekjeprurëse. sa/

Foto: EPA