Islamabad, 19 janar 2026 (MIA) – Të paktën 11 persona humbën jetën mbrëmë në zjarrin që shpërtheu në një qendër tregtare në qytetin Karaçi të Pakistanit. Rreth 60 persona rezultojnë të zhdukur në zjarrin që përfshiu ndërtesën shumëkatëshe.

Shërbimi kundër zjarreve tha se shuarja e zjarrit në qendrën tregtare, me më shumë se 1.200 dyqane ishte vështirësuar për shkak të tymit të dendur.

Mbrëmë janë shembur pjesë më të mëdha të qendrës tregtare, ndërsa struktura e mbetur është e paqëndrueshme. Zjarri shpërtheu në katin përdhesë dhe brenda një kohe të shkurtër zjarri përfshiu gjithë ndërtesën.

foto: EPA