Shkup, 18 tetor 2022 (MIA) - Klinika Universitare për Sëmundjet Kirurgjike "Shën Naum i Ohrit",  i njohur si Spitali i vjetër i qytetit, sonte  me akademi solemne shënoi 60-të  vjetorin e themelimit. Pothuajse nuk ka asnjë banor në kryeqytet që asnjëherë nuk ka kërkuar shërbim në këtë spital që ndodhet në qendër të Shkupit, u theksua në ceremoni.  Më shumë se 200,000 shërbime  ambulatore-poliklinike, kontrolle, intervenime dhe procedura diagnostike, hospitalizohen rreth 6000 pacientë  dhe kryhen më shumë se 3800 operacione.  Klinika ka një sipërfaqe neto prej 7500 metra katrorë dhe kapacitet për njëqind pacientë të shtruar, gjithsej 322 punonjës, nga të cilët 93 janë mjekë (subspecialistë, specialistë dhe specializantë). Ministri i Shëndetësisë, Bekim Sali, në fjalën e tij theksoi se ky institucion publik shëndetësor është shembull i funksionimit të shkëlqyer në trajtimin e ndërhyrjeve kirurgjikale dhe që njihet për reputacionin e saj, përvojën dhe ekspertizën dhe numrin e madh të mjekëve nga degët e operacioneve të  shumta  që ofrojnë shërbime shëndetësore për pacientët nga i gjithë vendi. "Së bashku me Bllokun Operativ, departamentet e anesteziologjisë, rianimacioni dhe trajtimi intensiv përbëjnë thelbin e këtij institucioni. E pajisur me pajisje për funksionimin e nevojshëm të kujdesit  intensiv moderne, në këtë departament  çdo vit trajtohet  më shumë se 2,000 pacientë me një shumëllojshmëri të gjerë të patologjive", tha Sali. Mungesa  më e madhe me të cilën përballet klinika janë standardet hapësinore dhe teknologjike në Bllokun Operativ.  sa/