Liverpul, 29 tetor 2024 (MIA) - Erik ten Hag sërish do të drejtojë një klub të madh dhe kjo do të ndodh së shpejti, është i sigurt menaxheri i Liverpulit - Arne Alot. Bashkëkombasi i tij u lirua nga klubi anglez i futbollit Mançester Junajted të hënën pas një fillimi mjaft të vështirë të sezonit, duke i lënë "djajtë e kuq" në vendin e 14-të të tabelës.

Slot, për dallim nga ai, ka pasur një fillim ëndrrash të karrierës së tij në Angli, ndërsa Liverpuli është i dyti në tabelë, me një pikë më pak nga kampioni Mançester Siti.

"Ai është bashkatdhetari im dhe kjo e bën lajmin edhe më të vështirë për mua. E dimë që në këtë profesion mund t'i ndodhë kujtdo. Është turp sepse e njoh dhe e di sa shumë punon. Ten Hag arriti shumë në Ajaks dhe fitoi dy trofe me këtë skuadër, ndaj pres ta shoh sërish në të ardhmen e afërt në krye të një klubi të madh", ka thënë Slot, cituar nga "Skaj Sports".

Në ndeshjen e tyre të vetme kundër njëri-tjetrit në Angli, Slot mundi Ten Heg 3–0 në "Old Traford". sa/

Foto: Arkivi