Shkup, 18 qershor 2023 (MIA) - Situata me nivelet e ujërave të lumenjve në vend dalëngadalë po qetësohet, nuk ka reshje të reja dhe niveli i ujit pritet të ulet, thotë në deklaratë për MIA-n drejtori i Qendrës për Menaxhimin e Krizave, Stojançe Angellov. 

Angelov thekson se shtrati i lumit Vardar në komunën e Jegunovcës është ende i mbushur, por situata dalëngadalë po qetësohet.

" Nuk ka reshje të reja dhe presim ulje të nivelit të ujit, shton Angelov.

Niveli i lartë i lumit Vardar ka bërë që uji të fillojë të derdhet dje rreth orës 18:00 dhe deri në mbrëmje janë vërshuar oborret e shtëpive në fshatin Raotincë të Komunës së Jegunovcës.

"Niveli i Vardarit në përgjithësi është rritur deri në daljen e shtetit, por nuk ka njoftime të reja për vërshime, shton ai.

Hidrocentrali “Vrutok”, siç informon, mbetet i mbyllur dhe nuk lëshohet ujë në Vardar pikërisht për shkak të rritjes së nivelit të lumit.

Sa i përket rrjedhës së lumit Koçan në Komunën Çeshinovë-Obleshevë, fshati Obleshevë, i cili ka prekur disa oborre dhe toka bujqësore, ai tha se sot në mëngjes niveli i lumit po zvogëlohet ngadalë dhe presin që të stabilizohet gjatë ditës.

Lidhur me urën në lumin Pçinjë, Angelov tha se ajo është nën juridiksionin e vetëqeverisjes lokale dhe duhet të vlerësojë nëse do ta vendosë në përdorim.

"Por niveli ka rënë dhe uji nuk përbën rrezik për urën", tha ai.

Nga Sektori i Hidrologjisë në Drejtorinë për Punë Hidrometeorologjike thonë se deri në fund të ditës pritet rënie graduale e nivelit të ujit të lumit Vardar në pjesën e sipërme të rrjedhës së tij, ndërsa do të ketë rritje të nivelit të ujit.në pjesën e mesme dhe të poshtme.

Ata theksojnë se mëngjesin e sotëm është vërejtur rritje minimale e nivelit të ujit të lumit Lepenec, ndërsa të gjitha nivelet e tjera të ujërave të lumenjve në mbarë vendin janë në rënie dhe ky trend pritet të vazhdojë gjatë gjithë ditës së sotme.

"Ende theksojmë për kujdes në pellgun e lumit Vardar, ku në pjesën e mesme dhe të poshtme të përroit do të ketë nivel të lartë të ujit gjatë ditës. Në përgjithësi pritet një normalizim gradual i situatës me nivelet e ujit në të gjithë vendin, por gjithsesi paralajmërojmë lëvizje të kujdesshme përgjatë lumenjve dhe zonave të thata gjatë ditës së sotme", theksojnë nga atje.

Sipas DPHM-së, nga nesër do të ndodhë stabilizim me mot me diell dhe dukshëm më i ngrohtë, përveç të mërkurës, ku pritet zhvillim lokal i vranësisë së paqëndrueshme me kushte për reshje të rrëmbyeshme afatshkurtër dhe paraqitje të bubullimave. ls/ 

Foto: Arkivi i MIA-s