Londër, 27 nëntor 2023 (MIA)- Në epokën e video montazheve  "dipfejk" dhe "post-të vërtetave" ('deepfake', 'post-truth'), kur inteligjenca artificiale përjeton ngritje dhe Ilon Mask e shndërroi "Tuiterin" në "X", sipas "Fjalorit Merijam-Uebster", fjala e vitit për këtë vit 2023 është mbiemri "autentik" ('authentic').

"Kuzhina autentike. Zëri autentik. Unë autentik. Autenticiteti si 'pajisje e inteligjencës artificiale’... Kërkimet për fjalën janë zakonisht të vështira në faqen e fjalorit të kompanisë, por kanë përjetuar rritje këtë vit. Këtë vit, shohim një lloj krize të autenticitetit... Atë që ne e kuptojmë është se kur vëmë në dyshim autenticitetin e vlerësojmë edhe më shumë", deklaroi kryeredaktori i " Fjalorit" , Piter Sokolovski.

Ai dhe grupi i tij nuk hyjnë në arsyet pse njerëzit u drejtohen fjalorëve në kërkim të fjalëve specifike. Në vend të asaj i reduktojnë të dhënat për kërkimet dhe ngjarjet botërore me të cilat ata janë të lidhur. Këtë herë, kishte thjesht konsistencë në rritjen e interesit gjatë këtij viti për termin "autentik".

"Autenticiteti" është pasardhës i fjalës së re për “manipulim psikologjik" (gaslighting) nga viti 2022. Përveç kësaj, viti 2023 shënon edhe 20 vjetorin e përzgjedhjes së fjalës kryesore të vitit në gjuhën angleze nga "Fjalori Merijam-Uebster". ss/

Foto: Fjalori digjital i gjuhës maqedonase