Shkup, 4 prill 2024 (MIA) - VMRO-DPMNE dhe partitë e koalicionit që udhëheqin fushatën për zgjedhjet presidenciale e kanë filluar me tubim të madh para ndërtesës së Qeverisë. Kandidatja për presidente Gordana Siljanovska Davkova në tubim tha se duhet të respektojmë vlerat themelore të rendit tonë kushtetues.

"Por në çdo marrëdhënie me vende më të mëdha se ne, dhe me aleanca si BE-ja, ne evropianët e vërtetë kemi për detyrë të kujtojmë vlerat themelore, sepse pa to nuk ka as demokraci, as prosperitet, as paqe. Nuk shkohet në Evropë me retorikën BE, NATO, NATO BE. Jo, por duke respektuar vlerat dhe duke praktikuar ato vetëm nëse bëhemi shtet normal, do të jemi brenda BE-së", tha Siljanovska Davkova.

Ata anëtarësimin në BE, tha ajo, e mendojnë sikur të hipin në një tren që çon në Bruksel. Jo, shtoi kandidatja për presidente, Brukseli duhet të vjen këtu.

"Për këto vite nuk bënë asgjë nga të ashtuquajturat kriteret e Kopenhagës. Ne do ta bëjmë këtë. Kur nuk keni asgjë për të bërë dhe kur do të jeni në konfuzion, çfarë ju mbetet, vetëm të këndoni në kor në diçka në të cilën nuk besoni. Nuk ka nevojë të përsëritet diçka që ekziston", tha Siljanovska Davkova.

Ajo tha se premtojnë reforma dhe kjo do të thotë se nuk i kanë bërë. "Kur nuk do ta bëni atë që keni premtuar, duhet të largoheni", tha ajo.

Duke prezantuar qëllimet e saj, tha se si presidente do të kthehet te qytetarët përmes zyrave të popullit të cilat tashmë nuk janë. Do ta respektoj qeverinë dhe do të bashkëpunoj me të.

Dy anëtarët e saj në Këshillin gjyqësor do të jenë juristët më të mirë. “Propozimet e mia në Gjykatën Kushtetuese do t'u ngjajnë kolegëve të mi, Xhunos, Nektovit, Starovës, jo të dëgjueshmëve partiakë që i përdorën në procesin kundër popullit, tha ajo.

Lideri i VMRO-DPMNE-së, Hristijan Mickoski i cili është bartës i listës në Njësinë e parë zgjedhore vlerësoi se “populli vjen pas asaj që i është marrë”. "Po vijnë pas Maqedonisë deri te ndryshimet e mëdha me të cilat do t'u tregojmë të gjithëve se nuk e japim, se të gjithë së bashku jemi forca e Maqedonisë", theksoi Mickoski. 

Sipas tij, partia është më e fortë se kurrë, e bashkuar me një qëllim të përbashkët dhe të qartë.

"Idenë nuk mund ta shkatërrojnë. Ideja jonë quhet Maqedoni. Ta kthejmë në duart e popullit dhe tua merr atë prej qindra funksionarëve të BDI-së dhe argatëve të tyre nga LSDM-ja. Problemi i Kovaçevskit është se shtetin ia dhuroi Ahmetit në pjatë", tha Mickoski.

Për opozitën shqiptare tha se duan të koalicionojnë me ta, por të respektohen. Ai dërgoi porosi edhe deri te BDI, por edhe funksionarët e ardhshëm të VMRO-DPMNE-së.

foto: VMRO-DPMNE