Shkup, 2 tetor 2025 (MIA) - Kandidatja për kryetare të Qytetit të Shkupit, Kaja Shukova, sonte foli nga Kisella Voda me mesazhin se Shkupi meriton më shumë dhe se "është koha për punë, jo për grim dhe fotografi".

Shukova, së bashku me kryetarin e LSDM-së, Venko Filipçe, dhe kandidatin për kryetar të Kisella Vodës, Goran Trajkovski, folën për vizionin që ajo ka për qytetin dhe komunën, me theks në projekte konkrete dhe të realizueshme. Ajo iu referua premtimeve të kryetarit aktual të Kisella Vodës, Orce Gjorgievski, duke theksuar se, sipas saj, mbi 80 përqind e programit të tij ka mbetur vetëm në letër.

Ajo e paraqiti vizionin e saj si një udhërrëfyes për ndryshime të vërteta dhe njoftoi 15 parqe të reja për 15 muaj, investime në transportin publik modern me eko-autobusë, zgjidhje për trafikun për rrëmujën, si dhe një zgjidhje sistemike për deponinë e Drislës, e cila ka helmuar ajrin e banorëve të Shkupit për vite me radhë.

Shukova u bëri thirrje qytetarëve të mos qëndrojnë neutralë në këto zgjedhje. sa/

Foto: LSDM