Tiranë, 25 shtator 2025 (MIA) - Shqipëria ka arritur një arritje të jashtëzakonshme në fushën e sigurisë kibernetike, duke u renditur e 15-ta në botë me 85,00 pikë, sipas Indeksit kombëtar të sigurisë kibernetike (NCSI). 

Agjencia kombëtare e sigurisë kibernetike, në një kumtesë për mediat, theksoi se ky rezultat paraqet një rritje prej 39 pozicione krahasuar me vitin 2023, kur Shqipëria ishte në vendin e 54-të me 62,34 pikë. 

"Vetëm në dy vjet, Shqipëria ka tejkaluar dhjetëra vende të mëdha me tradita të konsoliduara në këtë fushë, duke u bërë një nga historitë më të pazakonta të suksesit në sigurinë kibernetike globale", theksohet në kumtesë. 

Thuhet se disa nga pikat e progresit sipas NCSI (2023/2025) janë kornizat ligjore dhe institucionale. 

Shtohet se Shqipëria ka përditësuar kuadrin ligjor, janë miratuar akte të reja nënligjore, ekziston strategji kombëtare, një plan veprimi funksional dhe roli i Agjencisë si autoriteti qendror për sigurinë kibernetike është konsoliduar. 

Gjithashtu, bashkëpunimi ndërkombëtar është një tjetër pikë ku Shqipëria ka përmbushur 100 për qind të indikatorëve, duke marrë pjesë aktive në rrjetet e BE-së, OSBE-së dhe iniciativat globale për ndërtimin e kapaciteteve. 

"Rezultati i vitit 2025 tregon se Shqipëria, nëpërmjet Organit kombëtar të sigurisë kibernetike, ka ndërtuar kapacitete të qëndrueshme institucionale dhe teknike, duke e bërë sigurinë kibernetike një element kyç të zhvillimit dhe integrimit digjital të vendit tonë", vlerëson Agjencia kombëtare e sigurisë kibernetike e Shqipërisë. rq/