Shkup, 4 janar 2020 (MIA) - Kryetari i Qytetit të Shkupit, Orce Gjorgjievski, së bashku me bashkëshorten Martinën dhe bashkëshorten e kryeministrit, Rozi Mickoska, në prag të festës më të bukur, morën pjesë në aktivitetin humanitar të përgatitjes së më shumë se 250 racioneve të ngrohta, të destinuara për kategoritë më të prekshme të qytetarëve dhe të shpërndara në pikën e të pastrehëve të Kryqit të Kuq.

"Lumturia është më e madhe kur ndahet me të tjerët, nga zemra! Në prag të festës më të bukur, ditën e sotme ia kushtuam humanitetit. Së bashku me bashkëshorten e kryeministrit, znj. Rozi Mickoska, bashkëshorten time Martina, kuzhinierin e njohur Mark De Jong dhe nxënësit e palodhur të shkollës së mesme të ushqimit "Llazar Tanev", me dashuri dhe përkushtim  përgatitëm më shumë se 250 racione të ngrohta. Ato u shpërndanë në pikën e të pastrehëve të Kryqit të Kuq - ku çdo gjest do të thotë shpresë, dhe çdo racion do të thotë kujdes", thekson Gjorgjievski në një postim në rrjetet sociale. 

Thekson se në një kohë kur disa nga bashkëqytetarët tanë po përballen me sfida të vështira jetësore, është detyrimi ynë njerëzor dhe shoqëror t'ua shtrijmë një dorë.

Gjorgjievski thekson se janë të përkushtuar të punojnë për të siguruar punë të denjë për këta persona, si një hap drejt kapërcimit më të lehtë të vështirësive të jetës.

 Foto: Qyteti i Shkupit