Shkup, 17 prill 2025 (MIA) - Shoqata e barnatoreve private të Republikës së Maqedonisë së Veriut kërkon përjashtimin e barnatoreve nga Rregullorja e re për shpalljen e çmimeve të mallrave nga 3 prilli i këtij viti, deklaroi sot për media, Biljana Bozhinovska, anëtare e Këshillit ekzekutiv të shoqatës.

Bozhinovska tha se barnatoret nuk duhet të trajtohen si tregtarë të thjeshtë.

"Dëshirojmë të potencojmë se barnatoret nuk janë objekte klasike të shitjes me pakicë, por institucione në nivelin primar shëndetësor, ku punohet me kuadro të licencuar të shëndetësisë, master në farmaci dhe teknikë farmaceutikë. Roli ynë parësor është të ofrojmë kujdes shëndetësor dhe farmaceutik për pacientët, përmes dhënies dhe këshillimit për përdorimin e barnave, ndjekjen e terapisë dhe edukimit të qytetarëve, ndërsa jo të angazhohemi në tregti në kuptimin klasik", theksoi Bozhinovska.

Kërkesa e tyre është që barnatoret të përjashtohen nga detyrimi për të publikuar shpalljen e çmimeve të të gjitha produkteve në ueb faqe, ashtu siç kërkohet në Rregullore.

"Ky detyrim nuk është i përshtatshëm për funksionin tonë shëndetësor dhe krijon një ngarkesë shtesë administrative, që e largon kuadrin shëndetësor nga puna e tyre kryesore - kujdesi për pacientët dhe kujdesi farmaceutik", sqaroi Bozhinovska.

Kërkohet dhe të rikthehet kodi i aktivitetit të 47.73 barnatore, që në mënyrë të duhur reflekton specifikat e punës së tyre si institucione shëndetësore.

"Nuk dakordohemi me kodin e ri 47.730 - tregtia me pakicë e produkteve farmaceutike, që është në dorën më të vogël degraduese dhe e redukton operacionet farmaceutike në tregti të zakonshme. Theksojmë se puna jonë ësht e rregullt dhe nën mbikëqyrje nga Ministria e Shëndetësisë, Agjencia e Barnave (MALMED) dhe institucione të tjera shëndetësore. Me këtë rregullore degradohet integriteti i profesionit farmaceutik dhe krijohet konfuzion rreth rolit të farmacive në sistemin e kujdesit shëndetësor", nënvizoi ajo.

Nga Shoqata presin që kërkesat e tyre të shqyrtohen seriozisht, të dërguara deri në Ministrinë së Ekonomisë dhe Punës dhe nga kabineti i kryetarit të Qeverisë.

"Kërkesat tona janë dorëzuar edhe përmes Odës Farmaceutike të Republikës së Maqedonisë së Veriut e cila kujdeset për industrinë farmaceutike dhe pozitën e saj në vend", shtoi Bozhinovska.

Po kërkohet takim me autoritetet me qëllim që të gjendet zgjidhja e problemeve që kanë mbetur.

"Farmacistët mbeten hallka e fundit në sistemin shëndetësor, puna e të cilëve duhet të ketë vlerë dhe vlerësohet nga ana e institucioneve, ndërsa për të cilën kjo qeveri është në dijeni me zhvillimet e fundit, shtoi ajo. rq/

Foto: MIA