Shkup, 24 tetor 2024

Në datat 30 tetor dhe 2 nëntor, duke filluar nga ora 20:00, në skenën e Operës dhe Baletit Nacional do të shfaqet shfaqja madhështore e baletit “Zonja me kamelie”, nën muzikën e Xhuzepe Verdit, ndërsa sfondi dramaturgjik është marrë nga “Traviata” e tij popullore.

Shfaqjet do të luhen nën dirigjentin e të ftuarit nga Armenia, Eduard Ambarcumjan, koreografia është e një prej koreografëve kryesorë rusë Vasilij Medvedev, i cili punon me teatrot e mëdhenj “Bollshoi” nga Moska dhe “Marinski” nga Shën Petersburgi dhe skenografia dhe kostumet luksoze janë të Pavoll Jurashit nga Sllovakia.

Në rolet e Margaritës dhe Armandit, më 30 tetor të parët do të performojnë: Marija Kiçevska Shokarovska dhe Francisko Himenez Ruiz (Spanjë), ndërsa më 2 nëntor: Natasha Trendafilova Gicev dhe Valeri Ljubenko (Ukrainë).

Interpretojnë solistët, ansambli i baletit dhe orkestra e Operës dhe Baletit Nacional.

“Nuk është hera e parë që historia e trishtë në “Zonja me kamelie” ka frymëzuar koreografët. Së bashku me kostumografin dhe skenografin, Pavoll Jurash, doja ta bënim shfaqjen klasike, tradicionale, por edhe origjinale, ndryshe nga të tjerat.” – Vasilij Medvedev, koreograf.

Marketingu dhe marrëdhëniet me publikun, Opera dhe Baleti Nacional

__________________________________________________________________________________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.