Shkup, 27 tetor 2023 (MIA) - Sot në Shkup ka filluar Akademia rajonale socialdemokrate për lidership të grave në të cilën marrin pjesë lidere gra nga partitë socialdemokrate dhe organizata të shoqërisë civile nga Maqedonia e Veriut, Serbia, Shqipëria, Greqia, Mali i Zi, Bosnja dhe Hercegovina, Kroacia dhe Sllovenia, informojnë nga Fondacioni Fridrih Ebert (FES).

Në Akademi prezantime kanë pasur përfaqësueset e Forumit të grave të LSDM-së, koordinatorja e projektit në FES Nita Starova dhe përfaqësuesja e FES Beograd Ana Manojloviç-Stakiç.

Deputetja Sanela Shkrijell së bashku me gratë lidere nga rajoni do të diskutojë mbi situatën me lëvizjet antigjinore në vendet e rajonit dhe mundësitë e bashkëpunimit dhe mbështetjes së forcave progresive në trajtimin e narrativëve antigjinore.

Nesër nënkryetarja e Partisë Socialiste Evropiane (PSE) Radmila Shekerinska dhe ministri i Punëve të Brendëshme Oliver Spasovski do të debatojnë në panelin "Ndikimi i lëvizjes antigjinore në agjendën e grave, paqes dhe sigurisë".

Akademia rajonale socialdemokrate për lidership te gratë organizohet nga Fondacioni Fridrih Ebert, FES Dialog Evropa Juglindore. ms/

Foto: FES