Shkup, 10 nëntor 2024 (MIA)  - SHA MEPSO sot ka bërë të ditur se i ndërpret të gjitha llojet e donacioneve dhe sponsorizimeve deri në fund të këtij viti.

 "Vendimi është marrë unanimisht, në seancën e Këshillit Drejtues të SHA MEPSO, të udhëhequr nga drejtori i përgjithshëm Burim Latifi. Konkluzioni i përbashkët është se shpenzimet mbi këtë bazë duhet të ndërpriten deri në vitin të ardhshëm të vitit 2025, kur ky proces do të vazhdojë të funksionojë, por në mënyrë transparente dhe me respektim të detajuar të kritereve të parashikuara për këtë qëllim", thuhet në kumtesën  e sotme nga SHA MEPSO.

 Për këtë hap Këshilli Drejtues, siç thuhet në kumtesë ka vendosur pasi ka analizuar listën e gjatë të donacioneve dhe sponsorizimeve dhe mjetet që janë ndarë nga fillimi i vitit deri në ardhjen e udhëheqësisë së re.

 "Rishikimi gjithëpërfshirës i shërbimeve tona tregoi se në shtatë muajt e parë të vitit 2024, udhëheqësia e mëparshme e Shoqërisë. e cila pretendohet se ka vepruar në përputhje me Ligjin për Donacione dhe Sponsorizime në Veprimtari Publike, e ka tejkaluar programin financiar për këtë vit për gati 10 milionë denarë", thonë nga SHA MEPSO.

 Për ekipin e ri drejtues, siç theksojnë, i vetmi prioritet mbetet investimi ekskluzivisht në investime produktive që synojnë ndërtimin dhe menaxhimin e një sistemi të qëndrueshëm dhe të besueshëm të transmetimit të energjisë në mënyrën më transparente dhe të përgjegjshme.

 Foto: Arkivi i MIA-s