Shkup, 13 mars 2025 (MIA) - Në kazermën "Ilinden" në Shkup sot do të shënohet  Dita e formimit të Njësitit Special Antiterrorist - TIGRAT.   

Në ngjarje fjalim do të kenë kryeministri Hristijan Mickoski, ministri i Punëve të Brendshme Pançe Toshkovski dhe komandanti i NJSA TIGRAT Dragan Prokopovski. 

Delegacione nga Qeveria dhe MPB do të vendosin lule dhe do të bëjnë homazhe në pllakën përkujtimore të pjesëtarëve të rënë të "NJSA - TIGRAT". 

Më 13 mars të vitit 1981 për herë të parë në Ministrinë e  Punëve të Brendshme është formuar në kuadër të Sekretariatit të atëhershëm Republikan për Punë të Brendshme të RS të Maqedonisë, Njësiti për Detyra Speciale me emrin Tigrat.

 Qëllimi i tij parësor gjatë formimit  ka qenë detyra speciale, sigurimi i personaliteteve publike, përballja me kriza, detyra speciale për të cilat milicia e asaj kohe nuk ishte e përgatitur, dhe më vonë për antiterrorizëm, detyra speciale si aksione sabotuese, infiltrim prapa vijave të armikut, sigurimi i terrenit, përgatitja e terrenit  për veprime ushtarake të strukturave të tjera ushtarake,  ndalimi dhe arrestimi i kriminelëve apo personaliteteve të kërkuar nga  nga ligji, zhytje, nxjerrja e viktimave të mbytur, të bllokuar në ortekë, eksplozivë dhe qenve nuhatës, sigurimi i personave me rëndësi jetike. Kohët e fundit, njësitiështë përmirësuar me një metodë ushtarake për zgjidhjen e konflikteve ushtarake jashtë mjediseve urbane.

 Më 13 mars të vitit 2021, përveç 40-vjetorit të formimit, Njësiti për Detyra Speciale (NJDS) u riemërua  Njësiti Speciala Antiterrorista (NJSA).

Foto: Arkivi i MIA-s