Kriva Pallankë, 17 qershor 2023 (MIA) - Pas vërshimeve të mbrëmshme në Kriva Pallankë, të shkaktuara nga stuhia e madhe dhe reshjet e rrëmbyeshme, sot në terren janë vendosur të gjitha ekipet nga shërbimet komunale, nga NP Komunalec, NP Rrugët e Maqedonisë dhe të tjerë për riparimin e dëmeve, pastrimin e rrëshqitjeve dhe përcaktimin e gjendjes në terren.

Mbrëmë vonë, në mbledhjen urgjente të shtabit komunal për mbrojtje dhe shpëtim, ku morën pjesë drejtori i QMK Stojançe Angelov dhe drejtori i NP Rrugët e Maqedonisë, Kostadin Acevski, janë përcaktuar pikat kritike në disa lokacione.

Rruga për në fshatin Lukë është ndërprerë plotësisht, gjë që ekipet e "Rrugët e Maqedonisë" e kanë përmirësuar gjatë mbrëmjes dhe mëngjesit të sotëm dhe qarkullimi po zhvillohet në një korsi, ndërsa rruga për në fshatin Tërnovë është ende është jashtë funksionit.

Problemet më të mëdha i shkaktoi derdhja e lumit Kiseliçka, në atarin e vendit të quajtur Samokov, ku niveli i ujit ishte i lartë, por tani për tani janë dëmtuar vetëm urat për këmbësorë, si dhe në lagjen Mizovski livadi, vendi i quajtur Topolki, ku janë përmbytur hapësirat përdhes dhe bodrumeve të disa shtëpive, por ndërhyrja e shpejtë e NJTKZ Kriva Pallankë ka ndihmuar në pompimin e ujit nga ndërtesat dhe oborret.

Shërbimet tjera janë përfshirë në ndihmë intervenuese në terren, DPB Kriva Pallankë me ekipe kujdestare ka shënuar dhe siguruar pikat kritike të rrugëve rrugore gjatë natës, ndërsa Ndërmarrja Publike Rrugët e Maqedonisë - seksioni Kriva Pallankë me rreth 35 persona dhe 7 automjete, ekipet dhe nga komunat fqinje janë në terren dhe tashmë janë duke punuar në aftësimin e rrugës rajonale R245- Kriva Pallankë-Tërnovë.

MPB ka shpallur ndalimin e qarkullimit në rrugët kritike rrugore dhe ndalimin e lëvizjes në urat për këmbësorë me ndalim të lëvizjes së njerëzve në shtratin e lumit.

Në EVN është dërguar informacion për zbulimin e rreziqeve të mundshme në rrjetin elektrik, "Rrugët e Maqedonisë" kanë bërë xhiro dhe inspektim të rrëshqitjeve kritike, dy prej tyre, më kritike janë rruga e vjetër për në Manastir dhe Kriva Pallankë-Koshari, në kryqëzimin me rrugën "Shëb Joakim Osogovski”, ku nuk mund të zgjidhen shpejt problemet dhe do të kërkohet mbështetje nga Qeveria dhe institucionet kompetente. ls/

Foto: Komuna Kriva Pallankë