Regjistrohen 213 raste të reja të Kovid-19, kanë vdekur dy persona
- Nga 19 deri më 25 gusht janë testuar gjithsej 597 materiale në laboratorët ku bëhen testimi molekular dhe testimi i antigjenit për praninë e SARS-CoV-2, me një rënie prej 1,8 për qind në krahasim me javën e kaluar. Janë regjistruar 213 raste të reja pozitive, me një rënie prej 21,4 për qind krahasuar me javën e kaluar, thuhet në raportin e fundit të Institutit të Shëndetit Publik (ISHP), të publikuar pasditen e sotme.
![Regjistrohen 213 raste të reja të Kovid-19, kanë vdekur dy persona](https://mia.mk/images/20240826154445_big_730x400_78.webp )
Shkup, 26 gusht 2024 (MIA) - Nga 19 deri më 25 gusht janë testuar gjithsej 597 materiale në laboratorët ku bëhen testimi molekular dhe testimi i antigjenit për praninë e SARS-CoV-2, me një rënie prej 1,8 për qind në krahasim me javën e kaluar. Janë regjistruar 213 raste të reja pozitive, me një rënie prej 21,4 për qind krahasuar me javën e kaluar, thuhet në raportin e fundit të Institutit të Shëndetit Publik (ISHP), të publikuar pasditen e sotme.
Në javën aktuale, jannë regjistruar persona të sëmurë në 18 qytete. Shumica e rasteve të regjistruara ishin nga Shkupi - 99, Kavadari - 23, Ohri - 20, Tetova - 18, Manastiri - shtatëmbëdhjetë. Incidenca më e lartë është regjistruar në Kavadar.
"Janë regjistruar persona të sëmurë në të gjitha grupmoshat, me numrin më të madh të rasteve të raportuara në grupmoshat mbi 60 vjeç. Gjatë javës së fundit statusin e “të shëruarit” e kanë marrë 275 persona. Janë raportuar dy persona të vdekur të lidhur me Kovid-19. Bëhet fjalë për persona të moshës 48-88 vjeç, me sëmundje shoqëruese, të cilët kanë ndërruar jetë në kushte spitalore, dhe përsa i përket statusit të vaksinimit, njëri person është i pavaksinuar dhe tjetri ka marrë dy doza të vaksinës kundër Kovid-19, thuhet në Raporti i ISHP-së.
Deri më 25 gusht, janë raportuar gjithsej 351.577 raste me koronavirus.
"Janë regjistruar 167.436 pacientë meshkuj dhe 184.141 femra. Numri më i madh i të sëmurëve janë mbi 60 vjeç – 90.884, ndërsa morbiditeti më i lartë (26.341.6/100.000) është regjistruar në grupmoshën 30-39 vjeç, shtohet në raportin.
Rasti i parë është regjistruar më 26 shkurt 2020. ls/
Foto: Arkivi i MIA-s