Moskë, 21 maj 2025 (MIA) - Presidenti rus, Vlladimir Putin e vizitoi rajonin Kursk për herë të parë pasi që muajin e kaluar forcat ruse i dëbuan ushtarët ukrainas nga rajoni, transmetuan agjencitë botërore.

Kremlini kumtoi se gjatë vizitës së djeshme, Putin u takua me organizata vullnetare dhe e vizitoi centralin bërthamor "Kursk II" i cili është në fazë ndërtimi.

Presdienti rus nuk e vizitoi rajonin kufitar me Ukrainën nga gjysma e parë e marsit.

Televizioni shtetëror tregoi xhirime në të cilat shihet se si Putini bisedon me vullnetarë dhe nëpunës lokal, përfshirë edhe me ushtruesin e detyrës guvernator i rajonit Kursk, Aleksandar Hinshtajn. Putin u shoqërua nga Sergej Kirienko, zëvendës-udhëheqës i parë i administratës së Kremlinit.

Armata ukrainase hyri në rajonin Kursk në gusht të vitit të kaluar dhe mori territore. Rusia nga fundi i prillit kumtoi se i ka dëbuar ushtarët ukrainas nga rajoni, me çka kishte përfunduar invazioni më i madh i forcave ukrainase në territorin rus që pas Luftës së Dytë Botërore.

Pas diç më tepër se dy vite nga invazioni rus në vitin 2022, më 6 gusht Ukraina e filloi ofenzivën e vet më të guximshme, duke e depërtuar kufirin rus në rajonin Kursk me ndihmën e dronëve dhe armatimit të rënd[s perëndimor. Në kulmin e operacionit, forcat ukrainase deklaruan se kontrollojnë përafërsisht 1.400 kilometra katrorë në rajonin Kursk.

Gjatë vizitës së tij në rajonin Kursk, Putin urdhëroi rritje të grupeve për çminim të rajonit. ab/

Foto: МIА arkivi