Hanoi, 20 qershor 2024 (MIA) - Presidentët e Rusisë dhe Vietnamit, Vlladimir Putin dhe To Lam sot në Hanoi miratuan deklaratë për thellim të mëtutjeshëm të partneritetit gjithpërfshirës strategjik të të dy vendeve me rastin e 30-vjetorit të zbatimit të marrëveshjes ruso-vietnameze për bazat e marrëdhënieve miqësore.

Gjatë vizitës së Putinit në Vietnam u nënsshkruan së paku 11 marrëveshje në fushën e energjetikës, arsimit të lartë, institucioneve të drejtësisë, shërbimeve tatimore dhe doganës.

U nënshkrua edhe marrëveshja për ndërtim të qendrës bërthamore shkencoro-teknologjike në Vietnam me pjesëmarrje të koorporatës shtetërore ruse për energji bërthamore Rosatom. U nënshkrua edhe marrëveshje për bashkëpunim mes Rusisë dhe Vietnamit në zhvillimin e infrastrukturës laboratorike për luftë kundër epidemive.

Kjo është vizita e pestë e Putinit në Vietnam, ndërsa e para prej vitit 2017.

Putin në Vietnam arriti mbrëmë pas vizitës në Korenë e Veriut, me ç'rast e nënshkroi Marrëveshjen për partneritet strategjik me liderin verikorean, Kim Xhong-un. ab/

foto: ЕPА