Shkup, 7 dhjetor 2023 (MIA) - Prokuroria Themelore Publike në Shkup njofton se ka marrë vendim për fillimin e procedurës hetuese për shoferin i cili e voziste të dyshuarin e parë për vrasjen e të rejës Vanja Gjorçevska, Lupço Palevski - Pallço, i cili e transportoi nga Serbia deri në Turqi.

Siç informojnë nga PTHP Shkup, në periudhën prej 01.12.2023 deri më 03.12.2023 i dyshuari e ka ndihmuar Palevskin që të mos zbulohet për dy vepra penale - Grabitje nga neni 141 i Kodit Penal, si dhe dy vrasje në mënyrë mizore (një të një personi të mitur dhe një për përfitim) që dënohen bashkë sipas nenit 123 paragrafi 3 i Kodit Penal, duke i siguruar transport me automobil.

"Tani i dyshuari pas komunikimit dhe marrëveshjes paraprake me autorin i cili ndodhej në Republikën e Serbisë, me veturë Land Rover me targa të Strumicës, pronë e personit juridik, është nisur për në Beograd. Aty është takuar me autorin dhe së bashku me automjetin kanë shkuar në drejtim të kufirit të Serbisë me Bullgarinë – kalimin kufitar Kalotinë. Ata kanë kaluar kufirin më datë 02.12.2023, duke lëvizur nëpër territorin e Republikës së Bullgarisë, në të njëjtën ditë kanë mbërritur në kufirin me Turqinë, në pikën kufitare Kapitan Andreevo, dhe kanë hyrë në Turqi. Ata kanë qenë së bashku deri më 03.12.2023, pas çka autori i veprës ka qëndruar, ndërsa tani i dyshuari me veturën përmes Greqisë është nisur drejt këtij shteti, ku është kapur në vendkalimin kufitar Dojrani i Vjetër", njoftojnë nga PTHP Shkup.

Nga aty informojnë se prokurori publik kompetent gjykatësit të procedurës paraprake nga Gjykata Themelore Penale në Shkup i ka dorëzuar propozim për përcaktimin e masës së paraburgimit për personin e dyshuar.

"Për edhe një person i cili prej mbrëmë është mbajtur 24 orë në stacion policor, në PTHP Shkup është dorëzuar njoftim. Prokurori publik vlerësoi se në këtë moment nuk ekzistojnë baza ligjore që të propozohen masa të sigurisë, megjithatë kontrollet për përfshirje të tij eventuale në ngjarje penale - juridike vazhdojnë", njoftojnë nga PTHP Shkup. fc/

Fotografia: Arkivi i MIA-s