Frankfurt, 5 prill 2025 (MIA) - Mijëra njerëz protestuan sot në qytetet e Evropës kundër politikave të presidentit amerikan, Donald Tramp dhe këshilltarit të tij Ilon Mask, pas një jave “trazira” në tregjet financiare pasi Trampi vendosi tarifa globale.

Në Frankfurt të Gjermanisë, grupi i Demokratëve jashtë vendit, organizata zyrtare e Partisë Demokratike për qytetarët amerikanë që jetojnë jashtë, organizoi protesta.

Në Berlin, duke protestuar para një salloni të automobilave Teslla, protestuesit mbanin pankarta duke u bërë thirrje amerikanëve që jetojnë në Gjermani të protestojnë për t'i dhënë fund kaosit në shtëpi.

Në një tubim në Opernplac të Frankfurtit, anëtarët e grupit Demokratët jashtë vendit bënë thirrje për dorëheqjen e presidentit amerikan, duke mbajtur pankarta ku shkruhej "Ktheje demokracinë", "Hiq duart nga të dhënat tona personale" dhe "Bota është e lodhur nga marrëzitë tuaja Donald, ik!"

Në Berlin ka pasur slogane drejtuar Maskut si "Hesht Ilon, askush nuk votoi për ty", duke iu referuar ministrisë së efikasitetit të qeverisë që Masku drejton si këshilltar, një tjetër iniciativë e administratës Tramp për të reduktuar mbeturinat, korrupsionin dhe keqpërdorimin.

Në Paris rreth 200 njerëz, kryesisht amerikanë u tubuan në Sheshin e Republikës për të protestuar kundër Trampit. Disa mbajtën fjalime për të hequr dorë nga presidenti, duke valëvitur pankarta ku shkruhej "Kundërshtojeni tiranin", "Sundim i ligjit", "Feministë për lirinë, jo për fashizëm" dhe "Shpëto demokracinë".

Protesta kundër Trampit dhe Maskut janë zhvilluar edhe në qytete të tjera evropiane, duke përfshirë Londrën dhe Lisbonën.

Në Londër, disa qindra njerëz u tubuan rreth sheshit Trafalgar duke mbajtur pankarta ku shkruhej "Amerikani krenar i turpëruar"... pastaj "Larg duart nga Kanadaja", "Larg duart nga Grenlanda" dhe "Larg duart nga

Ukraina" teksa dëgjonin fjalimet ku kritikohej Trampi.

Protesta kundër Trampit dhe Maskut zhvillohen gjithashtu edhe nëpër qytete tjera të SHBA-së.

Foto: EPA