Shkup, 13 gusht 2025 (MIA) - Nëpunës policorë nga Stacioni Policor i Karposhit privuan nga liria I.A. (55) nga Shkupi nën dyshimin për kryerjen e një vepre penale, rrezikimi i sigurisë në trafikun ajror.

 Nga MPB bënë të ditur se më 6 korrik të vitit 2025 rreth orës 18, ndërsa helikopteri policor po i afrohej vendit ku lumi Lepenec derdhet në lumin Vardar me qëllim që ta mbushë me ujë për të shuar zjarrin në rajonin e Bllacës, pilotët vunë re një person i cili kishte hyrë në pjesën e cekët të shtratit të lumit Vardar dhe po lëvizte duart, pas së cilës personat e pranishëm në vendngjarje i informuan se personi po hidhte gurë drejt helikopterit Bell 412 dhe se për këtë arsye ishin të detyruar të ndryshonin vendin e mbushjes me ujë, sepse ishin vënë në rrezik ekstrem për sigurinë gjatë kryerjes së detyrave për nevojat e shtetit dhe qytetarëve.

 Policia informoi se pas dokumentimit të ngjarjes, kundër I.A do të ngrihet kallëzim penal përkatës.

 Foto: Arkivi i MIA-s