Shkup, 14 korrik 2023 (MIA) - Nga Ministria e Mjedisit Jetësor dhe planifikimit hapësinor informojnë se sot do të mbahet prezantim publik i Regjistrit kombëtar për ujëra nëntokësore.

Fjalim hyrës, siç është paralajmëruar, do të kenë ministrja e Mjedisit Jetësor dhe Planifikimit Hapësinor, Kaja Shukova dhe ambasadorja e Zvicrës në Maqedoninë e Veriut, Veronik Ulman.

"Qëllimi i Programit është të mbështesë Maqedoninë e Veriut në vendosjen e menaxhimit afatgjatë, shumënivelësh dhe sistematik të ujërave nëntokësore si një burim i rëndësishëm natyror strategjik dhe të forcojë autoritetet përkatëse dhe shoqërinë civile për menaxhimin e tyre të qëndrueshëm”, kumtuan nga Ministria e Mjedisit Jetësor dhe Planifikimit Hapësinor. ls/

Foto: MIA