Prishtinë, 8 korrik 2023 (MIA) - Policia e Kosovës ka arrestuar dje një rus në Leposaviq, në veri të Kosovës, i cili e ka kaluar ilegalisht kufirin nga Serbia në Kosovë.

Në raportin e sotëm 24 orësh të policisë thuhet se rusi është arrestuar dhe i është caktuar masë aresti.

"Policia gjatë patrullimit kanë ndaluar të dyshuarin mashkull rus i cili me automjetin e tij kishte kaluar ilegalisht kufirin nga Serbia në Republikën e Kosovës. I njëjti është intervistuar dhe me vendim të prokurorit është arrestuar dhe dërguar në mbajtje”, thuhet në komunikatën e policisë. mb/