Koçan, 31 janar 2026 (MIA) - Këshilli i Komunës së Koçanit në mbledhjen e djeshme të 9-të në mënyrë unanime e mbështeti nismën për ndërtimin e pllakës përkujtimore "Rruga e pafundësisë për 63 engjëjt" kushtuar 63 viktimave në zjarrin në diskotekën "Puls".

Propozimi u miratua me 19 vota "pro" dhe fryt i nismës së Shoqatës "16 mars 2025 Koçan".

Sipas planit të miratuar, pllaka përkujtimore "Rruga e pafundësisë për 63 engjëjt" do të ndërtohet në Parkun e vjetër, në pjesën qendrore të qytetit, në vendin mes rrugëve "Braqa Stavreri" dhe "Keji i revolucionit".

Me këtë vendim të Këshillit komunal, kryetari i Komunës Vlatko Grozdanov autorizohet që përmes procedurës së përshpejtuar të formojë një trup punues, me qëllim që projekti të përfundojë deri më 16 mars të vitit kur mbushet një vit nga tragjedia në diskotekën "Puls" në Koçan. sa/

Foto: Komuna e Koçanit, MIA