Athinë, 28 prill 2023 (MIA) - Zëvendësministri i Financave, Filip Nikollovski, drejtori ekzekutiv i Nomagaz, Bajram Rexhepi dhe ish-kryeministri, Zoran Zaev, në panel diskutime të veçanta do të marrin pjesë në Forumin e tetë ekonomik Delfi në Greqi, lajmëroi korrespondentja e MIA-s nga Athina.

Zëvendësministri Nikollovski do të diskutojë për përforcimin e nismës Ballkani i Hapur, drejtori ekzekutiv i Nomagaz për sigurinë energjetike, ndërkaq ish-kryeministri Zaev do të marrë pjesë në panel diskutimin për energjetikë së bashku me ministrin kompetent grek Skrekas dhe zëvendëskryeministrin bullgar Pekanov.

Një pjesë e e madhe e diskutimeve gjatë ditës së sotme i kushtohen rajonit, ndërsa në orët e pasdites do të marrin pjesë edhe presidentët e Qipros dhe të Bullgarisë, si dhe kryeministrat e Shqipërisë, Kosovës dhe Greqisë nikoqire.

Forumi i tetë ekonomik është quajtur "Paraadigm Shifts" që tradicionalisht mbahet në qytetin malor grek me rëndësi antike Delfi, filloi të mërkurën dhe do të zgjasë deri nesër, ndërkaq është nën patronatin e presidentes së Greqisë, Katerina Sakeralopulu. ab/