Shkup, 23 gusht 2024 (MIA) – Deri kur LSD do ta mbrojë gjykatësin Pajazit Pajaziti dhe do ta fshehë se nga burgu u ikën të burgosurit për vrasjen te Mavrovasja? Pajaziti është fajtori i vetëm pse Blerim Ramadani iku. Po të shqiptonte Pajaziti paraburgim efektiv me burg, tani Ramadani do të ishte në Shutkë, deklaroi sot në konferencë për media në selinë e partisë deputeti i VMRO-DPMNE-së Brane Petrushevski. 

“Pajaziti duhej të shkarkohet menjëherë, është vetëm gjykatës për të mbrojtur LSD-në dhe BDI-në përmes instalimeve të tyre në gjyqësor. LSD gënjen dhe manipulon me ditë të tëra, vetëm që ky ekzekutor i BDI-së të mbetet gjykatës”, tha Petrushevski. 

LSDM, siç bëri të ditur, “shpërndan pupla për të mbuluar skandalin me të burgosurit e arratisur nga Idrizova dhe Shutka, të cilët u arrestuan për vrasjen në afërsi të Mavrovasja, dhe u arratisën nga burgu gjatë LSD-së”.

“Po të mos ishin arratisur nga burgu në kohën e LSD-së, nuk do të kishte ndodhur vrasja te Mavrovasja. Logjikisht lind pyetja, a e ka lejuar LSD-ja qëllimisht arratisjen e këtyre dy të burgosurve dhe për çfarë qëllimi? Institucionet janë të shkatërruara nga LSD dhe BDI. Pasojat e kësaj janë duke u ndjerë ende. Por për të gjitha këto do të ketë përgjegjësi dhe institucionet tashmë u janë kthyer qytetarëve”, deklaroi Petrushevski. fc/

Fotografia: VMRO-DPMNE