Shkup, 7 tetor 2022 (MIA) - Periudha në vijim do të jetë shumë e vështirë për vendin, por daljen dhe stabilitetin e sistemit elektroenergjetik në vend e shohim në rrjetëzimin rajonal dhe në ndihmë në kuadër të iniciativës Ballkani i Hapur. deklaroi kryetari i shtetit Stevo Pendarovski.

"Marrëveshja, e cila është ende në përgatitje, që Serbia të na ndihmojë me gazin natyror dhe ne ta ndihmojmë atë me energjinë elektrike, megjithëse nuk është bërë në kuadër të Ballkanit të Hapur, ne e shohim si një shans për stabilitetin energjetik të vendit. Megjithatë, këtu dua të theksoj se Serbia është në një pikë të ngushtë në kontratën me Gazpromin rus, sepse ky gjigant energjetik kërkon të gjitha detajet – që nga dorëzimi i energjisë deri te kush do të jetë përdoruesi përfundimtar. Ka dilema juridike që po mundohemi t'i tejkalojmë në mënyrë që qytetarët, por edhe kompanitë të jenë të kënaqur, dhe shteti ta kalojë këtë periudhë të vështirë, theksoi Pendarovski në intervistë për "Sloboden Peçat". ls/